poesia

UN MAMA AWE

by Gileo

Silenciosamente, mamai
cu wowonan yen di lagrima
y un curpa cun’ ta duna mas
ta observa e situashon den cua ela cai

Bayendo bek den tempo, e ta realisa su mes
cu pa via dj'un amor profundo
awe, e ta hañ'e cu tanto yiu pa cria
un tarea, birando mas dificil dia pa dia

Cu cara hinca den scochi
mamai, yorando sin fin
ta puntra su mes
di unda e placa pa cuminda di mañan lo bin

Diripiente un sonido conoci p'e ta conmov'e
y ta e ora ei numa, habriendo su wowonan
y hisando su cabes na laira
e ta mirando diesseis wowo bashando awa

Y su tristesa ta cambia den alegria
ora di e yiu muher mas chikito
ta sali e palabranan:
"Mamai ata: "Den nos, m'a colecta 3,85 pa mañan ...